
Thailand PM Yingluck Shinawatra cun ahmaisabik hrangah ni 6.10.2011 ah Deputy Prime Minister Yongyuth Wichaidit le Foreign Minister Surapong Tovichakchaikul pawl thawn Kawlram an ra thlawng ih president U Thein Sein thawn an tawngaw a si. Thailand le Kawlram sumdawn tawnawknak ding ih Kawlram southeast ih tivapi hman an duh ruangah le ramri lak ih buainak pawl cinfel an duh ruangah Thainland acozah cun U Thei Sein thawn biakawknak neih a duh a si thu Thailand thuthangca cun a tarlang a si.
Cuhleiah hi an sumdawnnak ding hmunah Karen National Liberation Army pawl cun hnatuan tikhailak theih khawp ih hmalaknak an neih ruangah Kawlram a cozah hnenah an buainak pawl an thlen tel bet a si. Burma’s Ministry of National Planning and Development in 2010 ih a tarlan dan cun Thailand hi Kawlram in sumdawn tawnnak a neih tam bik mi ram China ih sangtu a si. Kawlram in Thailand le Kawlram lak ih Chitgiyi Lilawn (“Friendship Bridge” ) kan dung July thla ihsin an rak kharpit thu thawn pehparaw in Thailand cun Kawlram acozah cu hi an lilawn cu awn a si leh theinak dingah khal an dil a si.

Thailnd PM cun Kawlram cu rittheih thilri lam le kuthnatuan an hna cawlh ter an si thu pawl khal a rel pi ih rittheih thilri pawl thawn sumdawnnak Thailand le Kawlram ramri ih um cu nasa tak ih do ding ah a fuih ih doletpi ve dingah a sawm tel a si. Thailnd office in Thailand PM Yingluck Shinawatra cun Kawlram khawpi Naypidaw ah suimilam 12 thleng a um ih Tlawngkai ni 3 tlailam suimilam 1 ah Thailand pan in a tlung leh ih zan sumilam 12 ah a thlen thu a tarlang a si.
Asinan, NLD thusimtu Ohn Myint cun, “Thailand PM cun Kawlram ih a dinhmun tak tak a thei duh ngai a si ah cun opposition hruaitupawl le an huriatu lubik Suu Kyi thawn tawnawknak neih a tul a si. Cu lawng ah Kawlram in thlawngtla 2000 lenglo dan lo tak ih a kaihtar mi pawl thu le Irrawaddu Myitsone (dam) duh lo ruangih Kawlram ethnic pawl in acozah an doldal dan kimcang a thei thei ding ih Kawlram buainak taktak muril cu a thei thei fang ding a si” tiah a rel.